मेयरको माछा पोखरी कम्युनिस्ट मुख्यमन्त्रीद्वारा उद्घटन
दमक । झापा जिल्लामा प्रदेश १ का कम्युनिस्ट मुख्यमन्त्री शेरधन राईले विर्तामोड नगरपालिकाका मेयर ध्रुवकुमार शिवाकोटीको निजी माछा पोखरी उद्घाटन गरेका छन् ।
झापाको विर्तामोडमा बुधबार मेयर शिवाकोटीको निजी लगानी रहेको हेबन वाटर पार्कको मुख्यमन्त्री राईले उद्घाटन गरेका हुन् ।
राईले राष्ट्रिय लक्ष्य हासिल गर्न सम्पूर्ण नेपालीको योगदान हुनुपर्ने बताए ।
मुख्मन्त्री राईले ‘समृद्ध नेपाल, सुखी नेपाली’ सरकारको लक्ष्यभन्दा पनि सबैको लक्ष्य मानेर अगाडि बढे राष्ट्रिय संकल्प पूरा हुने बताए ।
राईले प्रदेश १ का १ सय ३७ वटा स्थानीय तहमध्ये विर्तामोड नगरपालिका नमूना नगर रहेकोे बताए ।
विर्तामोड नगरपालिकाका मेयर तथा वाटर हेबन पार्कका सञ्चालक ध्रुवकुमार शिवाकोटीले सकारात्मक भूमिका खेलेको भन्दै मुख्मन्त्री राईले प्रशंसा गरेका छन् ।
बुधबारबाट निक्कै तामझामका साथ औपचारिक रुपमा उद्घाटन भएको पार्कमा ५ दिन फिस फेस्टिफल सञ्चालन हुनेछ ।
फेस्टिफलमा ३५ भन्दा धेरै प्रकारका माछाका परिकार उपलब्ध हुनेछ ।
प्रदेशका मुख्यमन्त्री र मन्त्री तथा प्रदेश सांसदहरूले काम नपाएर बेरोजगार भएको भन्दै आलोचना हुँदै आएरहेका बेला प्रदेश १ का मुख्यमन्त्रीले माछापोखरी उद्घाटन गरेका छन् ।
फेसबुकबाट तपाईको प्रतिक्रिया