यी हुन साँच्चिकै मान्छे कुटने नेपाली हिरो, माफी मागे
काठमाडौं । निमार्ण नियन्त्रक शंकर पाण्डेमाथि हातपात गरेका अभिनेता विराज भट्टले माफी मागेका छन् । भट्टले प्राविधिक संघले बोलाएको मंगलबारको बैठकमा आफूले हात हाल्नु गल्ती भएको भन्दै माफी मागेका हुन् ।
अभिनेता र प्राविधिकबीच भएको विवाद मिलाउन प्राविधिकहरुबाटै चर्को दवाब आएपछि संघका अध्यक्ष पुस्कर लामाले दुवै पक्षलाई मंगलबार दिउँसो बोलाएर छलफल गरेका थिए । छलफलका क्रममा भट्टले गल्ती महसुस गर्दै माफी समेत मागेको संघका अध्यक्ष पुस्कर लामाले बताए ।
भट्ट र पाण्डेबीच फिल्म ‘साङ्लो’को विषयमा विवाद भएको थियो । उक्त विवादमा दुबैले हात हालाहाल गरेका थिए । सो विवाद आफ्नो रोहबरमा मिलाएको लामाले बताए ।
‘विराजले पाण्डेलाई काम गरेपछि दिनु पर्ने बाँकी रकम पनि नदिने र पाण्डेले पनि एडभान्स फिर्ता नगर्ने सर्तमा विवाद मिलेको छ’, लामाले भने, ‘पाण्डेले विराजको फिल्ममा काम अब गर्नुपर्ने छैन ।’
पछिल्लो समय भोजपुरी फिल्ममा रमाउन पुगेका विराजले केही वर्ष अगाडि रोज राणाको निर्माण निर्देशन रहेको ‘जय पशुराममा’काम गरेका थिए । तर उक्त फिल्मले राम्रो व्यवसाय गर्न नसकेपछि कुनै पनि नेपाली फिल्म अफर नपाएका विराजले ‘साङ्लो’ आफैले निर्माण गर्न लागेका हुन् ।
फागुनमा शुरू हुने भनिएको फिल्म बैशाखमा पनि सुरु हुने छाटकाट देखिएको छैन । ‘साङ्लो’का लागि उनले पूर्व मिस नेपाल निकिता चण्डक केही पहिले फाइनल गरेका थिए ।
यसमा तपाइको मत