ओली जथाभावी बोलेपछि कांग्रेसले पल्टायो संविधान, कम्युनिस्टहरूलाई भयो तनाव
काठमाडौं । प्रमुख प्रतिपक्षी कांग्रेसले कम्युनिस्ट प्रधानमन्त्री केपी ओलीको अभिव्यक्तिलाई लिएर आपत्ति जनाउँदै संविधानको मर्म र भावना विपरित अभिव्यक्ति नदिन चेतावनी दिएको छ ।
सानेपास्थिट पार्टी मुख्यालयमा शुक्रबार बसेको केन्द्रीय कार्यसमितिको बैठकले प्रधानमन्त्री ओलीको अभिव्यक्ति संविधानको भावना र मर्मविपरीत रहेको कांग्रेसले जनाएको हो ।
नेपाल टेलिभिजनको ‘जनतासँग प्रधानमन्त्री’ कार्यक्रममा ओलीले दिएको अभिव्यक्तिले संविधानको मर्म र भावनाको उल्लंघन गरेको कांग्रेसको ठहर छ ।
‘एक आईएनजीओको कार्यक्रममा सरकारको विवादास्पद सहआयोजन एवम् प्रधानमन्त्रीले पुरस्कार ग्रहण गरेको विवादास्पद सन्दर्भप्रति सार्वजनिक रूपमा उठेको प्रश्नमा आफूले जवाफ दिए बुद्धिजीवी थला पर्ने भनी केपी ओलीले प्रयोग गर्नुभएको वाक्यांश र चेतावनीशैलीको अभिव्यक्ति, अधिकार कुण्ठित गर्ने ढंगले राख्नुभएका शब्दहरू संविधानको धारा १७ को उपधारा २ (क) ले निर्दिष्ट गरेको भावना र मर्मको विरुद्धमा छ’, कांग्रेसले भनेको छ ।
नेपाली कांग्रेसले कम्युनिस्ट प्रधानमन्त्री ओलीलाई पदीय गरिमाको हेक्का राख्न सम्झाएको छ ।
निर्मला पन्तको तस्बिर रहेको पोस्टर प्रहरी लगाई च्यातिएको घटनाको पनि नेपाली कांग्रेसले भत्र्सना गरेको छ । ‘कांग्रेस बैठक निर्मलाको पोस्ट च्यातेको घटनालाई बिनाहातहतियार शान्तिपूर्ण भेला र प्रदर्शन गर्न सक्ने संविधानप्रदत्त अधिकारमाथिको हस्तक्षेप ठहर गर्दछ’, कांग्रेसका प्रवक्ता विश्वप्रकश शर्माले भनेका छन् ।
प्रधानमन्त्रीको तस्बिर सहरमा सजाउन मिल्ने तर न्यायको माग गर्दै एक बालिकाको तस्बिर टाँग्दा च्यातिने र टाँग्नेहरू पक्राउ पर्ने घटना आपत्तिजनक रहेको कांग्रेसको भनाइ छ ।
नेपाली कांग्रेसले न्यायको आवाज र विरोधको स्वर सुन्नै नचाहने प्रवृत्ति अन्त्य गर्न र यथाशीघ्र दोषीलाई कारबाहीको कठघरामा ल्याउन माग गरेको छ ।
‘निर्मलालाई न्याय दिलाउँदै समग्र नेपाली महिलाको अस्मिता रक्षा गर्ने प्रश्नमा सरकार असफल रहने हो’, कांग्रेसले भनेको छ, ‘नेपाली कांग्रेसले यही मुद्दालाई लिएर कडा संघर्षका कार्यक्रम सार्वजनिक गर्नेछ ।’
jabaf dehita sarkar bhaya po Bam sarkar wold ma yastai ho yasle janata lai na kahi shukh diyako 6 na dine6 sabai ma chenata bhayaaaaa