काठमाडौं । नेपाली कांग्रेसका सभापति शेरबहादुर देउवा र प्रधानमन्त्री पुष्पकमल दाहाल ‘प्रचण्ड’बीच शुक्रबार साँझ हुने भनिएको वार्ता स्थगित भएको छ ।

प्रधानमन्त्री दाहालले सभापति देउवासँग छलफल गर्न खोजेका थिए । उनीहरूका बीच शुक्रबार साँझ हुने भनिएको सम्वाद किन स्थगित भएको हो केही भनिएको छैन ।

संसदमा जारी गतिरोध अन्त्यको प्रयासस्वरुप प्रधानमन्त्री दाहालको पहलमा संसदमा आन्दोलनरत प्रतिपक्षी दल नेपाली कांग्रेससँग हुन लागेको छलफल स्थगित भएको हो ।

कांग्रेसका प्रमुख सचेतक रमेश लेखकले प्रधानमन्त्रीसँग हुने भनिएको छलफल स्थगित भएको बताए । देउवा र दाहालको वार्ता स्थगित भएको कारण भने उनले खुलाएनन् ।

प्रधानमन्त्री दाहालको दाँतको उपचारका लागि फलोअपमा वीर अस्पताल जानु परेकाले शुक्रबार तय भएको वार्ता स्थगित भएको बुझिएको छ ।

प्रधानमन्त्री दाहालसँग शनिबार बिहान साढे ८ बजे सरकारी निवास बालुवाटारमा छलफल हुने कांग्रेसका प्रमुख सचेतक लेखकले बताए ।

प्रधानमन्त्री दाहालले शुक्रबार साँझ ६ बजे कांग्रेस नेताहरूलाई छलफलका लागि बोलाएका थिए । दाहाल सत्ता पक्षीय नेताहरूसँग रणनीति तय गर्न जुटेका छन् ।