धर्म प्रचारकको कार्यक्रममा ओली सरकार, कांग्रेसद्धारा बहिस्कार (भिडियो)
काठमाडौं । प्रमुख विपक्षी दल नेपाली कांग्रेसले कम्युनिस्ट सरकारलाई धर्म प्रचारक आइएनजिओको कार्यक्रममा सहप्रायोजक राखेको भन्दै आपत्ति जनाएको छ ।
काठमाडौंको बानेश्वरमा शनिबार कांग्रेसका प्रवक्ता विश्वप्रकाश शर्माले आकस्मिक पत्रकार सम्मेलन गरेर नेपाल सरकारको खोजी भैरहेका बेला आफूले सरकारलाई आइएनजिओको कार्यक्रमका सहप्रायोजकका रुपमा फेला पारेको बताए ।
‘प्रधानमन्त्री केपी ओली र उहाँ नेतृत्वको सरकार हामी सबैको हो’, शर्माले भने, ‘हाम्रो सरकार धर्म प्रचारक आइएनजिओको सहप्रायोजकका रुपमा रहनु दुग्र्भाग्यपूर्ण छ ।’
क्रिश्चियन मुभमेन्ट चलाउँदै आएका नेपाल परिवार दलका अध्यक्ष एकनाथ ढकालको विशेष पहलमा एसिया प्यासिफिक समिट २०१८ नेपालका नाममा यूनिभर्सल पिस फेडरेसनले काठमाडौंको वौद्धस्थित होटेल ह्यातमा सम्मेलन हुँदै छ ।
सम्मेलन मंसिर १५ र १६ गते दुई दिन हुनेछ । कांग्रेसले आइएनजिओको कार्यक्रममा नेपाल सरकारलाई सहप्रायोजक रहेको भन्दै आपत्ति जनाएको हो ।
यो सम्मलनको अध्यक्षता नेपाल कम्युनिस्ट पार्टी (नेकपा)का वरिष्ठ नेता माधवकुमार नेपालले गर्नेछन् ।
नेपाली कांग्रेसले संविधानमा मुलुक धर्मनिरपेक्ष भैसकेको अवस्थामा सरकारले धर्मप्रचारक संस्थाको कार्यक्रममा सहप्रायोजक हुन आपत्तिजनक रहेको प्रवक्ता शर्माले बताए ।
थचनभखमदामचदनख