निर्मलालाई अन्याय गर्ने यी एसपीको जागिर धरापमा
काठमाडौं । निर्मला पन्त बलात्कार र हत्याकाण्डमा विवादास्पद भूमिका निभाएका जिल्ला प्रहरी कार्यालय कञ्चनपुरका तत्कालीन प्रमुख एसपी डिल्लीराज विष्टलाई गृहमन्त्रालयले कारबाही गरेको छ ।
एकजना किशोरको ज्यान जाने गरी प्रदर्शन भएको दोस्रो दिन कम्युनिस्ट सरकारले दवाव खेप्न नसकेर एसपी विष्टलाई निलम्बन गरेको हो । गृहमन्त्री रामबहादुर थापाका प्रेस संयोजक किरण भट्टराईले एसपी विष्टलाई मन्त्रालयले निलम्बन गरेको जानकारी दिए ।
गृह मन्त्रालयले डिएसपी ज्ञानबहादुर क्षेत्रीसहित अर्का एकजना प्रहरी अधिकारीलाई समेत छानबिन गर्ने जनाएको छ ।
१३ वर्षीया बालिका निर्मला पन्तको बलात्कार र हत्याको घटनामा एसपी विष्टका छोराको संलग्नता रहेको आशंका स्थानीयले गरेका छन् । छोरालाई बचाउन एसपी विष्टले अनुसन्धानमा दोषीहरूलाई उन्मुक्ति दिएको भन्दै स्थानीयले दैनिक सरह प्रदर्शन गर्दै आएका थिए ।
एसपी विष्टलाई साथ दिने डिएसपी ज्ञानबहादुर क्षेत्रीलाई पनि गृह मन्त्रालयले जिम्मेवारीबाट हटाएको छ । उनको ठाउँमा डिएसपी कृष्णराज ओझालाई पठाइएको छ ।
Sahi ho yestai garnu parxa.S.P ko xoro hu vandaima rep gardai hidne. yesta bigre ka xora laita Kanchanpur vari nai naango lekheddai hannu parxa. S.P. vayera pani apno xora lai ramro sanskar dinu vayena! Sarkar Doshi lai Sajaye de.
Nirmala baini lai niyaye de!
Good nuws
Good news