काठमाडौं । नेपाली कांग्रेसका सांसद समेत रहेका राज्य व्यवस्था तथा सुशासन समितिका सभापति रामहरि खतिवडाले धितोपत्र बोर्डको अध्यक्ष नियुक्तिमा सत्तारुढ दलहरूबीच हानथाप भएको भन्दै कानून विपरितको कार्य नगर्न सचेत गराएका छन् ।

बुधबार बसेको प्रतिनिधिसभाको बैठकमा शून्य समयमा बोल्दै सांसद खतिवडाले बोर्डको अध्यक्ष नियुक्तिमा प्रक्रिया पु¥याएर अगाडि बढ्न आग्रह गरे ।

उनले भने, ‘धितोपत्र बोर्डको अध्यक्ष नियुक्त गर्न सत्तारुढ दलमा रस्साकस्सी पुगेको छ र कानूनी प्रक्रिया नपु¥याइकन नियुक्ति गर्ने प्रक्रिया अगाडि बढेको भन्ने सुन्नमा आएको छ ।’

‘कानूनअनुसार नियुक्ति गर्ने पद्धति विकास होस् धन्यावाद’, कांग्रेसका सांसद खतिवडाले सचेत गराउँदै भने ।

धितोपत्र बोर्डको अध्यक्षमा आफू निकटको व्यक्तिलाई नियुक्त गर्न प्रधानमन्त्री पुष्पकमल दाहाल ‘प्रचण्ड’ र एमालेका अध्यक्ष केपी ओलीबीच निकै प्रतिस्पर्धा भइरहेको छ । आफू अनुकूलको व्यक्तिलाई अध्यक्ष बनाउन बिचौलियाहरू पनि पैसा बोकेर दौडधुपमा लागेको चर्चा छ ।