सभामुखमा कांग्रेसको दाबी, अधिकारीद्वारा मनोनयन दर्ता
हेटौंडा । नेपाली कांग्रेसले बागमती प्रदेश सभाको सभामुख पदमा दाबी गर्दै मनोनयन दर्ता गराएको छ ।
बिहीबार कांग्रेसका प्रदेश सभा सांसद शिवराज अधिकारीले मनोनयन दर्ता गरेका हुन् । अधिकारी धादिङबाट कांग्रेसका समानुपातिक सांसद हुन् ।
अधिकारीको प्रस्तावकमा कुन्दनराज काफ्ले र रामकृष्णा चित्रकार समर्थक छन् । सत्ता साझेदार दलहरूको तर्फबाट भने राप्रपाका भुवन पाठक उम्मेदवार बन्ने छन् ।
सत्ता गठबन्धनबीच मुख्य पदहरू भागबण्डा गर्दा बागमती प्रदेशको सभामुख राप्रपाले लिने सहमति भएको छ । राप्रपाले पाठकलाई सभामुखको उम्मेदवार बनाउने निर्णय गरेको छ ।
सत्ता साझेदार पाँच दलसँग ७० सांसद रहेका छन् । सबैभन्दा ठूलो दल भएर पनि सत्ताबाहिर रहेको नेपाली कांग्रेससँग ३७ सांसद छन् ।
३ जना मात्र सांसद रहेको नेमकिपाबाट सृजना सायजुले उम्मेदवारी दर्ता गराएकी छिन् ।
Published : Thursday, 2023 January 12, 1:57 pm
बिचार/ब्लग
बिर्सनु हुँदैन : सरकार परिवर्तन न्याय होइन
डा. मनीष आचार्य
फेसबुकबाट तपाईको प्रतिक्रिया