काठमाडौं । व्यवसायी समेत रहेका एमालेका केन्द्रीय सदस्य दुर्गा प्रसाइँले एनआईसी एसिया बैंक र सनराईज बैंक लुटाहा बैंक रहेको आरोप लगाएका छन् ।

मेडिकल व्यवसायी प्रसाइँले प्राईम टेलिभिजनसँगको अन्तर्वातामा यो देशको सबैभन्दा ठूलो लुटाहा बैंक एनआईसी एसिया र सनराईज रहेको बताए ।

उनले भने, ‘यो देशमा सबैभन्दा लुटाहा बैंक भनेको एनआईसी एसिया र सनराईज बैंक हो ।’

‘एउटै पैसालाई धेरै टर्नओभर राउने गर्छन् । कमिशन आउँछ १ प्रतिशत’, व्यवसायी प्रसाइँले भनेका छन् ।

‘एनआईसी एसिया बैंकले २० करोडभन्दा माथि कसलाई गरेको छ ?’, प्रसाइँले प्रश्न गर्दै भनेका छन्, ‘उनीहरूकै साउलाई गरेको होला । एनआईसी एसिया गरिवको बैंक होइन ।’

उनले भने, ‘एक करोड मात्रै ऋण दिन्छ । कुनै मेडिल कलेज, उद्योगलाई एक सय करोड देओस् त एनआईसी एसिया बैंकले ! देखाउनुस् त !’

‘सबै धितो छ । १५–१५ दिनमा ब्याज बढाएको छ’, उनले भनेका छन् ।

एनआईसी एसिया बैंकका काला कर्तुतहरू आइरहेका बेला प्रतिष्ठित व्यवसायी प्रसाइँले एनआईसी एसिया बैंकलाई उदाङ्गो बनाइदिएका छन् ।