काठमाडौं । एमालेले विवादास्पद व्यक्ति एकनाथ ढकाललाई समानुपातिक सांसद बनाएको छ ।

इसाई धर्म प्रचारक ढकाललाई एमालेले समानुपातिक सांसद बनाउने निर्णय गरेपछि बबाल भएको छ ।

एमालेले क्रिश्चियन धर्म प्रचारक ढकाल सांसद बनाउने निर्णय गरेकोमा असन्तुष्टि बढेको छ ।

एमालेले निर्वाचन आयोगलाई पठाएको बन्दसूचीमा ढकालको नाम खस–आर्य क्लस्टरको दोस्रो नम्बरमा थियो । पहिलो नम्बरमा रघुजी पन्त छन् ।

एमालेले सांसद बनाएको ढकाल अहिले पनि नेपाल परिवार दलका अध्यक्ष छन् ।

ढकाल यसअघि दुई पटक नेपाल परिवार दलबाट संविधान सभाको सदस्य बनेका थिए ।

केही वर्ष अगाडि एमालेका अध्यक्ष समेत रहेका तत्कालीन प्रधानमन्त्री खड्गप्रसाद ओलीलाई होली वाईन खुवाएर ढकाल चर्चित बनेका थिए ।

ढकालले ओलीलाई होटेल सोल्टीमा राखेर २० लाख रुपियाँको पुरस्कार पनि दिएका थिए ।

बौद्धको होटेल ह्यातमा ढकालले क्रिश्चियन धर्म प्रचारको कार्यक्रम राखेर होली वाईन खुवाएपछि ओलीको आलोचना भएको थियो ।