काठमाडौं । नेपाली कांग्रेसबाट बुधबार बिहानसम्म १३ जनाले प्रतिनिधि सभातर्फ जित हासिल गरेका छन् ।

कांग्रेसका ४१ जना उम्मेदवारहरूले अग्रता लिएका छन् ।

ललितपुर १ बाट उदयशम्शेर राणा, काठमाडौं ५ बाट प्रदीप पौडेल, मुस्ताङबाट योगेश गौचन थकाली, मनाङबाट टेकबहादुर गुरुङ, रसुवाबाट मोहन आचार्य विजयी भएका छन् ।

काठमाडौं ४ बाट गगनकुमार थापा, काठमाडौं १० बाट राजेन्द्रकुमार केसी, सुर्खेत २ बाट हृदयराम थानी, तनहुँ २ बाट शंकर भण्डारी, डडेल्धुराबाट शेरबहादुर देउवा विजयी भएका छन् ।

काठमाडौं १ बाट प्रकाशमान सिंह, पर्सा ४ बाट रमेश रिजाल, काठमाडौं ३ बाट सन्तोष चालिसे विजयी भएका छन् ।

एमालेले ३ सिटमा जित हातपारेको छ । एमालेका उम्मेदवारहरू ४२ स्थानमा अगाडि छन् ।

काठमाडौं ९ मा कृष्णगोपाल श्रेष्ठ, उदयपुर २ मा अम्बरबहादुर रायमाझी र ललितपुर २ मा प्रेमबहादुर महर्जन विजयी भएका छन् ।

राष्ट्रिय स्वतन्त्र पार्टीले ३ स्थानमा जित हातपारेको छ । काठमाडौं ७ बाट गणश पराजुली, काठमाडौं ८ मा विराजभक्त श्रेष्ठ र काठमाडौं २ मा सोविता गौतम निर्वाचित भएका छन् । राष्ट्रिय स्वतन्त्र पार्टीले ५ स्थानमा अग्रता लिएको छ ।

नेकपा (एकीकृत समाजवादी)ले अछाम १ मा खाता खोलेको छ । शेरबहादुर कुँवर निर्वाचित भएका छन् । एकीकृत समाजवादी ६ स्थानमा अगाडि छ ।

माओवादी केन्द्रले अझैसम्म खाता खोल्न सकेको छैन । माओवादी १७ स्थानमा अगाडि छ ।

राप्रपाले पनि खाता खालेको छ । बाँके २ मा राप्रपाका उम्मेदवार धवलशम्शेर जंगबहादुर राणा निर्वाचित भएका छन् । राप्रपा ४ स्थानमा अगाडि छ ।

नागरिक उन्मुक्ति पार्टीले पनि खाता खोलेको छ । उन्मुक्तिका गंगाराम चौधरीले कैलाली ३ मा जित हातपारेका छन् । उन्मुक्तिका ३ जना अग्राडि छन् ।