गौर । नेपाली कांग्रेस रौतहटका अधिवेशनमा विवाद भएपछि निर्वाचन अनिश्चितकालका लागि स्थगित भएको छ ।

शेखर कोइराला समूहले बखेडा झिकेपछि शनिबार मतदान हुने कार्यक्रम प्रभावित बनेको छ ।

मतदातालाई प्रमाणपत्र उपलब्ध नगराइएको भन्दै कोइराला समूहले विवाद झिकेको थियो ।

निर्वाचन समितिले अर्को सूचना प्रकाशित नभएसम्मका लागि स्थागित भएको जनाएको छ ।

क्षेत्र नम्बर ३ का अधिकांश वडाका प्रतिनिधिहरूले अहिलेसम्म प्रमाणपत्र नपाएको र मतदानमा सहभागी हुन कठिन भएको भन्दै वादविवाद बढेपछि लाइनमा बसेका मतदाताहरूले समेत मतदान गर्न पाएनन् ।

सभापतिका लागि संस्थापन पक्षका जितेन्द्र यादव र शेखर कोइराला समूहबाट हृद्यनारायण यादवले उम्मेदवारी दिएका छन् ।

कोइराला समूहले आफ्नो समर्थकहरूलाई प्रमाणपत्र नदिएकाले मतदानमा भाग लिन समस्या परेको भन्दै विवाद निकालेको थियो ।

सदरमुकाम गौरस्थित जुद्ध माविको प्रांगणमा मतदानको व्यवस्था मिलाइएको थियो ।