काठमाडौं । एमाले र माओवादी केन्द्रबीच एमसीसीका विषयमा छलफल भएको छ ।

बिहीबार नयाँ बानेश्वरमा एमालेका अध्यक्ष खड्गप्रसाद ओली र माओवादी केन्द्रका अध्यक्ष पुष्पकमल दाहाल ‘प्रचण्ड’सहितका दोस्रो तहका नेताहरूबीच वार्ता भएको छ ।

दाहालले ओलीसँग एमसीसीलाई अनुमोदन नगर्न आग्रह गरेको स्रोतले जनाएको छ । तर, ओलीले एमसीसीको विषयमा आफूलाई चासो नरहेको जवाफ फर्काइदिएका छन् ।

माओवादीले एमसीसीको विपक्षमा मतदान गर्ने निर्णय गरिसकेको छ । नेपाली कांग्रेसले गठबन्धनलाई भत्काएर भए पनि एमसीसी पारित गराइ छाड्ने अडानमा पुगेको छ ।

दाहालले ओलीसँग मिलेर जान प्रस्ताव समेत गरेका छन् । आगामी चुनावमा पनि गठबन्धन वा पार्टी एकता गर्न प्रस्ताव गरेको बुझिएको छ ।

एमाले र माओवादी केन्द्रबीच वाम गठबन्धन गरेर झण्डै दुईतिहाइको बहुमत ल्याएका थिए । आन्तरिक कलहका कारण साढे तीन वर्षमा नै कांग्रेसलाई एमाले र माओवादीले सुम्पिएर पार्टी विभाजन गरेर बसेका छन् ।