वीरेन्द्रनगर । नेपाली कांग्रेस सुर्खेतको जिल्ला सभापतिमा खड्क पोखरेल निर्विरोध निर्वाचित भएका छन् ।

आइतबार पोखरेलको मात्रै सभापतिमा उम्मेदवारी परेपछि निर्विरोध भएका हुन् । सभापतिमा निर्विरोध निर्वाचित भएका पोखरेल सभापति शेरबहादुर देउवा निकटका हुन् ।

रामचन्द्र पौडेल समूहले सभापतिमा उम्मेदावर नै नपाएपछि उम्मेदवारी दर्ता गराउने सकेन । सुर्खेत महामन्त्री पूर्णबहादुर खड्काको गृहजिल्ला पर्छ ।

सुर्खेतमा पौडेल समूहका नेता केन्द्रीय सदस्य हृदयराम थानी छन् । थानीको हर्कतले गर्दा पौडेल समूहले सभापतिमा उम्मेदवार नै पाउन सकेन । देउवा समूहले सुर्खेतमा पौडेल समूहलाई निरिह बनाइदिएको छ ।

देउवा समूहबाट उप–सभापतिमा विष्णु खड्का र टोपबहादुर रावतले प्रतिस्पर्धा गर्दै छन् ।

सचिवमा देवकुमार सुवेदी र बालदीप कँडेलले उम्मेदवारी दर्ता गराएका छन् ।

सह–सचिवमा हरि विष्ट र प्रकाश डिसीको उम्मेदवारी परेको छ ।

पौडेल समूहबाट उप–सभापतिमा टेकबहादुर सिंह र शोभा शर्मा, सचिवमा अनन्त पौडेल र जनकबहादुर रावलको उम्मेदवारी परेको छ ।

सह–सचिवमा भीमबहादुर शाही र लोकबहादुर पन्तले उम्मेदवारी दर्ता गराएका छन् ।