काम गर्न नसकेको भनेर आलोचना भइरहेका बेला राष्ट्रपतिसँग सुशीलाद्वारा भेट

काठमाडौं । राष्ट्रपति रामचन्द्र पौडेलसँग अन्तरिम सरकारकी प्रधानमन्त्री सुशीला कार्कीले भेट गरेकी छिन् ।

बुधबार शीतलनिवास राष्ट्रपति पौडेलसँग प्रधानमन्त्री कार्कीले भेटवार्ता गरेकी हुन् । भेटमा जेनजी आन्दोलन र सरकारको कामकारबाहीका विषयमा छलफल भएको बुझिएको छ ।

उनीहरूका बीच फागुन २१ गते तोकिएको प्रतिनिधिसभा निर्वाचनका बारेमा छलफल भएको राष्ट्रपति कार्यालयले जनाएको छ । सरकारले निर्वाचनलाई लक्षित गरेर केही अध्यादेश ल्याउने तयारी गरेको छ ।

अध्यादेशकै बारेमा राष्ट्रपति पौडेलसँग परामर्श गर्न प्रधानमन्त्री कार्की पुगेको हुनसक्ने बुझिएको छ । जेनजी पुस्ताको आन्दोलनका क्रममा अपेक्षा भएअनुसारको कामकारबाही हुन नसकेको भन्दै प्रधानमन्त्री कार्की र उनको मन्त्रिपरिषदको आलोचना भइरहेको छ ।

Published : Wednesday, 2025 September 24, 2:03 pm