परराष्ट्रमन्त्री डा.राणाद्वारा एलडीसीमा नेपालाई साथ दिन इयुसँग आग्रह

ब्रसेल्स । परराष्ट्रमन्त्री डा.आरजु राणा देउवाले अल्पविकसित देशहरू (एलडीसी)को सूचीबाट माथि उक्लिएको प्रस्तावमा नेपाललाई सहयोग गर्न युरोपियन युनियन (इयु)सँग आग्रह गरेकी छिन् ।

बिहीबार बेल्जियमको ब्रसेल्समा परराष्ट्रमन्त्री डा.राणा र युरोपेली आयोग (इयु)का अन्तर्राष्ट्रिय साझेदारीका आयुक्त जोजेफ सिकलासँगको द्विपक्षीय भेटमा नेपाल एलडीसीबाट माथि उक्लिएको प्रस्तावलाई सहयोग गर्न आग्रह गरेकी हुन् ।

डा.राणाले एलडीसी श्रेणीबाट नेपालको सहज, दिगो र अपरिवर्तनीय स्तर सुनिश्चित गर्न युरोपियन युनियनको समर्थनको लागि आग्रह गरेको बताएकी छिन् ।

सिकलासँगको भेटमा डा.राणाले नेपाल र युरोपेली संघबीचको आर्थिक सम्बन्ध, विकास सहयोगका बारेमा विचार आदानप्रदान भएको बताएकी छिन् ।

Published : Thursday, 2024 December 12, 10:58 pm