गोरखा हिँडेको ट्याक्सी दुर्घटना, ५ जनाको मृत्यु, १ जना बेपत्ता
भरतपुर । चितवन जिल्लामा भएको सडक दुर्घटनामा ५ जनाको मृत्यु भएको छ ।
शनिबार बिहान ईच्छाकामना गाउँपालिका–५ स्थित सिमलधारा नजिक सडकमा बा.२ ज ४१९६ नम्बरको ट्याक्सी त्रिशूली नदीमा खसेर दुर्घटना भएको प्रहरीद्वारा जारी विज्ञप्तिमा उल्लेख छ ।
काठमाडौंबाट गोरखातर्फ जाँदै गरेको ट्याक्सी दुर्घटनामा परेको थियो । ट्याक्सीमा सवार ५ जनाको घटनास्थलमै मृत्यु भएको छ ।
मृत्यु हुनेहरूमा ट्याक्सी चालक गोरखाको गोरखा नगरपालिका–७ बस्ने ३५ वर्षीय अर्जुन शिर्मल, ट्याक्सीमा सवार गोरखा नगरपालिका–७ बस्ने ४१ वर्षीया हरिमाया रोकाय, ७० वर्षीया जुनकिरी रोकाय, २८ वर्षीया अञ्जना रोकाय र ९ वर्षीय आगमन नगरकोटी रहेको विज्ञप्तिमा उल्लेख छ ।
दुर्घटनामा बेपत्ता भएका १ जनाको प्रहरीले खोजी गरिरहेको छ ।
Published : Saturday, 2024 March 30, 4:52 pm
बिचार/ब्लग
लामिछानेलाई बचाउन प्रचण्डले हुकुम प्रमाङ्गी गरेपछि कांग्रेसले के भन्यो ?
सञ्जय गौतम, सांसद, नेपाली कांग्रेस, प्रतिनिधि सभा
फेसबुकबाट तपाईको प्रतिक्रिया