पाल्पामा भएको जीप दुर्घटनाप्रति मुख्यमन्त्री चौधरीद्वारा गहिरो दु:ख व्यक्त

देउखुरी । लुम्बिनी प्रदेशका मुख्यमन्त्री डिल्लीबहादुर चौधरीले पाल्पामा भएको जीप दुर्घटनाप्रति गहिरो दु:ख व्यक्त गरेका छन् ।

मंगलबार साँझ ५ बजेतिर तिनाउ गाउँपालिकाको वडा नं. ६, चिदिसमा लु १ ज २३७१ नम्बरको जीप दुर्घटना हुँदा ८ जनाको मृत्यु भएको थियो । १८ जना यात्रु घाइते भएका छन् ।

मुख्यमन्त्री चौधरीले पाल्पामा भएको जीप दुर्घटनाका घाइतेहरूको उपचारमा विशेष ध्यान दिन मातहतलाई निर्देशन दिएका छन् । उनले घाइतेहरूको शीघ्र स्वास्थ्य लाभको कामना गर्दै मृत्यु भएका यात्रुका आफन्तप्रति समवेदना प्रकट गरेका छन् ।

मुख्यमन्त्री चौधरीले पाल्पामा कसको लापरबाहीले दुर्घटना भएको हो अनुसन्धान गर्न निर्देशन दिएका छन् । उनले दुर्घटना न्यूनीकरणका लागि विशेष पहल गर्ने बताएका छन् ।

Published : Tuesday, 2024 February 13, 10:21 pm