काठमाडौंमा दुई स्थानमा प्रहरी छापा, जुवातास खेलिरहेका मान्छेहरू पक्राउ

काठमाडौं । जुवातास खेलिरहेको अवस्थामा प्रहरीले काठमाडौंका विभिन्न स्थानबाट १७ जनालाई पक्राउ गरेको छ ।

प्रहरीले काठमाडौंको शंखरापुर नगरपालिका–७ साँखुस्थित सोही नगरपालिका–१ नाङलेभारे घर भएका ३७ वर्षीय प्रकाश लामिछानेको बज्रयोगिनी वर्क शप एण्ड रि कन्डिसनमा छापामारेको छ ।

जुवातास खेलिरहेको अवस्थामा लामिछाने समेत ९ जनालाई आइतबार साँझ प्रहरीले पक्राउ गरेको विज्ञप्तिमार्फत जनाएको छ ।

प्रहरी प्रभाग साँखुबाट खटिएको प्रहरीले उनीहरूलाई नगद २ लाख ६ सय रूपियाँ र १ बुक ताससहित पक्राउ गरेको छ ।

चन्द्रागिरी नगरपालिका– ८ कंचन बस्तीस्थित रिङ कारखानामा जुवातास खेलिरहेको अवस्थामा सोही ठाउँ बस्ने ७५ वर्षीय केपी गुरङ समेत ८ जनालाई आइतबार साँझ प्रहरीले पक्राउ गरेको छ ।

प्रहरी प्रभाग बलम्बुबाट खटिएको प्रहरीले उनीहरूलाई नगद ३४ हजार ८ सय ३० रूपियाँ र ६ बुक ताससहित पक्राउ गरेको छ ।

Published : Monday, 2024 February 12, 2:48 pm

फेसबुकबाट तपाईको प्रतिक्रिया