काठमाडौं हिँडेको रात्रि बस लमही–६ मा दुर्घटना

लमही । दाङको देउखुरीस्थित लमही नगरपालिका– ६ कुलमोहर नजिक यात्रु बस दुर्घटना भएको छ ।

बिहीबार राति ९ बजे रा १ ख ३१३२ नम्बरको बस दुर्घटनामा परेको हो । बस तुलसीपुरबाट काठमाडौंतर्फ जाँदै थियो । बस अनियन्त्रित भई सडकको किनारमा पल्टिएको छ । बसका यात्रु सबै सकुशल रहेका छन् । बसमा ३६ जना यात्रुहरू थिए ।

घटनास्थलमा सशस्त्र प्रहरी बल नेपाल नं. ४१ रिजर्भ गण अर्जुनखोला, वडा प्रहरी कार्यालय लमही र अस्थायी ट्राफिक पोष्ट लमहीबाट सुरक्षाकर्मीले उद्धार गरेका छन् ।

एक महिनाभित्र दाङ जिल्लामा तीन वटा यात्रु बाहक बस दुर्घटना भइसकेका छन् । भालुबाङ्गको पुलबाट बस खसेर दुर्घटना हुँदा धेरै यात्रुको मृत्यु भएको थियो । दाङकै इमिलियामा पनि पनि बस दुर्घटना भएको थियो ।

Published : Friday, 2024 February 9, 3:34 pm