काठमाडौं । न्याय परिषदले उच्च अदालत र जिल्ला न्यायाधीशसहित १२ जना न्यायाधीशहरूको सरुवा गरेको छ ।

मंगलबार परिषदले उच्च अदालतका सुर्खेतका न्यायाधीश रामेश्वर रेग्मीको उच्च अदालत पाटनमा सरुवा गरेको छ ।

सुर्खेतका न्यायाधीश काजीबहादुर राईलाई उच्च अदालत विराटनगरको इलाम इजलासमा सरुवा गरिएको छ ।

उच्च अदालत तुलसीपुरको बुटवल इजलासका न्यायाधीश विष्णुप्रसाद अर्यालको तुलसीपुर उच्च अदालतमा काज सरुवा भएको छ ।

कास्कीका जिल्ला न्यायाधीश ऋषिराम आचार्यको ललितपुर जिल्ला अदालतमा सरुवा भएको परिषदले जनाएको छ ।

सुनसरीका हरिप्रसाद कोइरालाको कास्कीमा सरुवा भएको छ । कास्कीका अवनी मैनालीको मकवानपुर जिल्ला अदालतमा सरुवा भएको छ ।

तेह्रथुमका प्रमेश पोखरेको पर्सामा सरुवा भएको छ । रौतहटका तेजबहादुर खड्काको झापामा सरुवा भएको छ ।

झापाका न्यायाधीश भीमबहादुर निरौलालाई तेह्रथुम जिल्ला अदालतमा सरुवा गरिएको परिषदले जनाएको छ ।

जिल्ला अदालत डडेलधुराका न्यायाधीश दयाराम ढकालको चितवनमा सरुवा भएको छ । नवलपुरका न्यायाधीश बाबुराम सुवेदीको मोरङमा सरुवा भएको छ ।

जिल्ला अदालत दाङका न्यायाधीश कुलप्रसाद पाण्डेको नवलपुर जिल्ला अदालतमा काज सरुवा भएको छ ।

बैतडी जिल्ला अदालतका जिल्ला न्यायाधीश हर्कबहादुर क्षेत्रीलाई डडेल्धुरा जिल्ला अदालतको जिल्ला न्यायाधीशको हैसियतले समेत कामकाज गर्नेगरी सरुवा गरिएको परिषदले जनाएको छ ।