देउवाले बोलाए पदाधिकारी बैठक, को बन्छ कोषाध्यक्ष ?

काठमाडौं । नेपाली कांग्रेसका सभापति शेरबहादुर देउवाले पछिल्लो अवस्थाका बारेमा छलफल गर्न पदाधिकारीको बैठक बोलाएका छन् ।

देउवाले मंगलबार दिउँसो १ बजे पार्टी केन्द्रीय कार्यालय सानेपामा पदाधिकारी बैठक बोलाएको मुख्यसचिव कृष्णप्रसाद पौडेलले बताएका छन् ।

मुख्यसचिव पौडेलका अनुसार पदाधिकारी बैठकमा तीन विषयमाथि छलफल हुनेछ ।

उनले समसामयिक राजनीति, केही भ्रातृ संस्थाका विधान टुंग्याउने र केन्द्रीय समितिका लागि एजेन्डा तय गर्नेबारे पदाधिकारी बैठकमा छलफल गरिने बताएका छन् ।

कांग्रेसले असार २७ गतेका लागि केन्द्रीय कार्यसमिति बैठक बोलाएको छ । बैठकमा चुनावी समीक्षा पनि हुनेछ ।

कांग्रेसमा पदाधिकारी संख्या १४ छ । कोषाध्यक्ष मनोनीत हुन बाँकी छ । कोषाध्यक्षमा विभिन्न नेताहरूको नाम चर्चामा छ ।

सुनिलबहादुर थापा, रमेश लेखक, एनपी साउद, विनोद चौधरी, उमेश श्रेष्ठलगायतको नाम चर्चामा छ ।

Published : Sunday, 2022 July 3, 9:51 pm

फेसबुकबाट तपाईको प्रतिक्रिया