यी १७ जना एसएसपीहरूलाई डीआईजी बढुवामा सिफारिस, कीर्ते काण्डका सिलवाललाई सफाइ दिने पनि सूचीमा परे
काठमाडौं । गृह मन्त्रालयले नेपाल प्रहरीका १७ जना प्रहरी नायब उपरीक्षक (डीआईजी) बढुवाका लागि सिफारिस गरेको छ ।
असार ८ गते बसेको बढुवा समितिको बैठकले १७ जना प्रहरी वरिष्ठ उपरीक्षक (एसएसपी)लाई डीआईजीमा बढुवाका लागि सिफारिस गर्ने निर्णय गरेको हो ।
बढुवा सिफारिसको पहिलो नम्बरमा काठमाडौं उपत्यका अपराध अनुसन्धान कार्यालयका एसएसपी बसन्तबहादुर कुँवर रहेका छन् ।
दोस्रो नम्बरमा प्रधान कार्यालयको मानव बेचबिखन अनुसन्धान ब्युरोमा कार्यरत एसएसपी टेकप्रसाद राई रहेका छन् ।
तेस्रो नम्बरमा अशोक सिंह, ४ नम्बरमा दीपक थापा र ५औँ नम्बरमा श्यामलाल ज्ञवालीको बढुवा भए सिफारिस भएको छ ।
बढुवा सिफारिस हुनेमा किरण बज्राचार्य, सन्दीप भण्डारी, सुदीप गिरी, मीरा चौधरी, टेकबहादुर तामाङ पनि रहेका छन् ।
उमेशराज जोशी, भीमप्रसाद ढकाल, रामदत्त जोशी, पोषणराज पोखरेल, बुद्धिराज गुरुङ, दुर्गा सिंह र किरण राणा पनि डीआईजी बढुवाको सिफारिसमा परेका छन् ।
डीआईजी सिफारिसमा तेस्रो नम्बरमा अशोक सिंह परेका छन् । सिंहले कीर्ते काण्डमा तत्कालीन डीआईजी नवराज सिलवाललाई उन्मुक्ति दिने काम गरेका थिए ।
एमालेका सांसद समेत रहेका सिलवाललाई सफाइ दिएको पुरस्कारस्वरुप बालुवाटारले सिंहलाई डीआईजी बढुवाको तेस्रो नम्बरमा राखेको छ । धेरै जुनियर हुँदाहुँदै पनि सिंहले तेस्रो नम्बरमा स्थान जमाएका छन् ।
सिंहले विश्वराज पोखरेलले आफूभन्दा सिनियरहरूलाई उछिनेर बढुवा सिफारिसको अग्रस्थान बनाएका छन् ।
डीआईजी बढुवाको सिफारिसमा परेका टेकप्रसाद राईलाई अख्तियारका प्रमुख प्रेम राईको जोडबलमा दोस्रो नम्बरमा राखिएको छ ।
डीआईजी दीपक थापालाई माओवादी केन्द्रका अध्यक्ष पुष्पकमल दाहाल ‘प्रचण्ड’को सिफारिसमा चौथो नम्बरमा राखिएको छ ।
फेसबुकबाट तपाईको प्रतिक्रिया