घोराहीको उप–मेयर र तुलसीपुरको मेयरमा कांग्रेसले टुंगो लगायो
घोराही । नेपाली कांग्रेसले घोराही र तुलसीपुर उप–महानगरपालिकामा मेयर र उप–मेयरको टुंगो लगाएको छ ।
दाङ कांग्रेसले घोराही उप–महानगरपालिकाको उप–मेयरमा पूर्व क्षेत्रीय सभापति भुपबहादुर डाँगीलाई टिकटका लागि सिफारिस गरेको छ ।
तुलसीपुर उप–महानगरपालिकाको मेयरमा दाङ कांग्रेसले केन्द्रीय सदस्य गेहेन्द्र गिरीलाई सिफारिस गरेको छ ।
शनिबार बुटवलमा बसेको लुम्बिनी कांग्रेसको बैठकले गिरी र डाँगीको नाममा सहमति जनाएर उनीहरूलाई टिकट दिएको सदस्य प्रचण्ड न्यौपानेले बताएका छन् ।
उप–महानगरपालिकाको मेयर र उप–मेयरको टिकट दिने व्यवस्था छ । महानगरपालिकाको मेयर र उप–मेयरको टिकट केन्द्रले दिने व्यवस्था छ ।
घोराहीमा कांग्रेसले माओवादी केन्द्रलाई मेयर छाडिदिएको छ ।
तुलसीपुरमा भने कांग्रेसले मेयर लिएर नेकपा (एकीकृत समाजवादी)लाई उप–मेयर दिएको छ ।
फेसबुकबाट तपाईको प्रतिक्रिया