को–को बन्दै छन् नयाँ मन्त्री, पूर्वमाओवादीहरूको भाग्य खुल्यो
काठमाडौं । प्रधानमन्त्री खड्गप्रसाद ओलीले मन्त्रिपरिषद् पुनर्गठनको गृहकार्य शुरु गरेका छन् ।
ओलीले रामबहादुर थापालाई गृहमन्त्री नै बनाउने तयारी गरेको स्रोतले जनाएको छ ।
टोपबहादुर रायमाझी उर्जा, मणि थापालाई संस्कृति, पर्यटन तथा नागरिक उड्डयन मन्त्रालयको जिम्मेवारी दिने तयारी ओलीको रहेको छ ।
दावा लामा र प्रभु साहको पनि मन्त्री बन्ने चर्चा चलेको छ । प्रभु साह प्रचण्ड–माधव नेपालको समूह छाडेर आउने हो भने मन्त्री दिने ओलीको आश्वासन रहेको एक नेताले बताए ।
प्रचण्डको समूह परित्याग गरेर आफूतिर आएमा ओलीले साहलाई श्रम तथा रोजगार मन्त्रालय दिने सम्भावना छ ।
गौरीशंकर चौधरीलाई खानेपानी मन्त्रालयको जिम्मेवारी दिने तयारी रहेको दाबी गरिएको छ ।
नेकपाका नेता बामदेव गौतमलाई पनि उप–प्रधानसहित रक्षा मन्त्री बनाउने चर्चा पनि चलेको छ । तर, गौतमले कुन नेकपामा लाग्ने हुन स्पष्ट भएको छैन ।
ओली नेतृत्वको नेकपामा गौतम सहभागी भए भने मन्त्री बन्ने पक्का रहेको एक नेताले बताए ।
बिचार/ब्लग
फेसबुकबाट तपाईको प्रतिक्रिया