शुक्रबार काठमाडौंमा दुई महिला र एक पुरुषमा कोरोना भेटियाे
काठमाडौं । शुक्रबार काठमाडौंमा थप तीन जनामा कोरोनाभाइरसको संक्रमण भेटिएको छ ।
स्वास्थ्य तथा जनसंख्या मन्त्रालयमा आयोजित नियमित पत्रकार सम्मेलनमा प्रवक्ता डा.जागेश्वर गौतमले काठमाडौंमा ३ जनामा कोरोना पुष्टि भएको बताए ।
उनले टेकुस्थित राष्ट्रिय जनस्वास्थ्य प्रयोगशालामा गरिएको परीक्षणमा काठमाडौंका थप ३ जनामा संक्रमण भेटिएको बताए ।
काठमाडौंमा भेटिएका संक्रमित दुई जना महिला र एक जना पुरूष हुन् ।
पछिल्लो २४ घण्टामा थप ४ सय २६ जनामा कोरोनाभाइरसको संक्रमण देखिएको छ । योसहित नेपालमा कुल संक्रमित संख्या ८ हजार २७४ पुगेको छ ।
डा.गौतमले हालसम्म १ हजार ४ सय २ जना कोरोनामुक्त भई विभिन्न अस्पतालबाट डिस्चार्ज भएको बताए ।
कोरोनाभाइरसको संक्रमणबाट नेपालमा हालसम्म २२ जनाको मृत्यु भएको छ ।
फेसबुकबाट तपाईको प्रतिक्रिया