आइतबार २१३ जनामा कोरोना पोजेटिभ भेटियो
काठमाडौं । कोरोना भाइरसको संक्रमणबाट नेपालमा थप २१३ जना थपिएका छन् ।
स्वास्थ्य तथा जनसंख्या मन्त्रालयमा आइतबार आयोजित नियमित पत्रकार सम्मेलनमा २१३ जना पोजेटिभ देखिएको प्रवक्ता डा.विकास देवकोटाले बताए ।
विभिन्न प्रयोगशालाहरूमा गरिएको परीक्षणमा नयाँ पोजेटिभ देखिएका हुन् । कोरोना पोजेटिभ भेटिएका मध्ये २०९ जना पुरुष र ४ जना महिला रहेका छन् ।
२१३ जना नयाँ संक्रमितसँग नेपालमा पोजेटिम भेटिएकाहरूको संख्या ३ हजार ४ सय ४८ पुगेको डा.देवकोटाले जानकारी दिए ।
नेपालमा हालसम्म ४६७ जना उपचारपछि निको भएका छन् । पछिल्लो २४ घण्टामा १०२ जना उपचारपछि निको भएर डिस्चार्ज भएका हुन् ।
प्रवक्ता डा देवकोटाका अनुसार हालसम्म देशका ७० जिल्लामा संक्रमण देखिएको छ ।
Published : Sunday, 2020 June 7, 4:36 pm
फेसबुकबाट तपाईको प्रतिक्रिया