महोत्तरीमा मुस्लिमको कब्रगाहको समस्या समाधान गर्न आयोगद्वारा पहल शुरु
काठमाडौं । मुस्लिम आयोगले महोत्तरी जिल्लामा शव गाड्ने ठाउँमा भएको अबरोधप्रति गम्भीर ध्यानाकर्षण भएको जनाएको छ ।
आयोगका अध्यक्ष समिम मियाँ अन्सारीले महोत्तरी जिल्लाको रामगोपालपुर नगरपालिकामा शव गाड्ने स्थानमा कुनै पनि अबरोधहरू नगर्न आग्रह गरेका छन् ।
उनले सो विषयमा गृह मन्त्रालयलाई पत्र पठाएर महोत्तरी जिल्लामा शव गाड्न अबरोध भएको विषयलाई समाधान गरिदिन आग्रह गरेका हुन् ।
महोत्तरी जिल्लाको रामगोपालपुर नगरपालिका वडा नम्बर ८ तिउलिया बजार गोइठी बस्ने मोहम्मद हाशिमले मुस्लिम समुदायको शव गाडने कब्रगाह (शम्सान स्थल)मा रामगोपालपुर नगरपालिकाको कार्यालयले निर्माण कार्य गरेकोले सो कार्य रोक्का गरिदिनु भनी आयोगमा निवेदन दिएका थिए ।
हाशिमको निवेदनअनुसार आयोगका अध्यक्ष अन्सारीले समस्या समाधानका लागि पहल गरेको बताएका छन् ।
फेसबुकबाट तपाईको प्रतिक्रिया