ट्रम्पकाे कोरोनाबारे अभिव्यक्तिले चीनलाई तनाब
न्यूयाेर्क । चीनकाे वुहान प्रयोगशालाबाट कोरोना भाइरस लिक भएको प्रमाण आफूसँग रहेको अमेरिकी राष्ट्रपति डोनाल्ड ट्रम्पले दाबी गरेपछि विश्वभरि हलचल भएकाे छ ।
वुहानस्थित इन्सटिच्युट अफ भायरोलोजीको लापारबाहीले कोरोना भाइरसको संक्रमण विश्वभर फैलिएको ट्रम्पले गरेका छन् ।
ह्वाइट हाउसमा बिहीबार आयोजित पत्रकार सम्मेलनमा उनले आफूसंग सोको प्रमाण रहेको बताएका हुन् ।
चीनले कोरोना भाइरस फैलाउने कार्य जानीजानी गरेको हो कि गल्तीले भयो भन्ने बारे अझै स्पष्ट नभएको उनले बताए ।
उनले यसमा थप छानबिन भैरहेको बताए । ट्रम्पले विश्व स्वास्थ्य संगठन (डब्ल्युएचओ)ले चीनको साथ दिएको पनि आरोप लगाएका छन् ।
सन् २०१९ को डिसेम्बर अन्तिम साता चीनको वुहान पहिलो पटक कोरोना भाइरसको संक्रमण देखिएको थियो ।
अहिले यस संक्रमणबाट सबैभन्दा बढी प्रभावित अमेरिका भएको छ ।
फेसबुकबाट तपाईको प्रतिक्रिया