गणेश लामालाई हत्कडी, साथमा भेटियो पेस्तोल

काठमाडौं । काठमाडौंको गौशालाबाट प्रहरीले गुन्डा नाइकेका रुपमा बदनाम कांग्रेस नेता गणेश लामालाई पक्राउ गरेको छ ।

उनलाई ६ राउन्ड गोली र चाइनिज पेस्तोलसहित पक्राउ गरिएको महानगरीय प्रहरी परिसर काठमाडौँका प्रवक्ता डिएसपी मोहन थापाले बताए । प्रहरीका अनुसार गौशालाको एउटा होटलमा बुधबार राति गोली चलेको थियो ।

गोली चलेपछि पुगेको प्रहरीले हतियारसहित उनलाई पक्राउ गरेको जनाएको छ । पेस्तोल आफ्नो नभएर आफूलाई तर्साउन आएका केटाहरूको खोसेर राखेको लामाले बताउँदै आएको एसएसपी विश्वराज पोख्रेलले बताए ।

लामालाई गोली प्रहार गरेको भनिएको समूह फरार छ । प्रहरीले लामालाई पक्राउ गरेर हत्कडीसहित हिरासतमा राखेको छ ।

Published : Thursday, 2018 March 15, 9:39 am

यसमा तपाइको मत

तपाइको इमेल गोप्य राखिनेछ

फेसबुकबाट तपाईको प्रतिक्रिया