काठमाडौं र ललितपुरमा प्रहरीद्वारा १५ जना पक्राउ

काठमाडौं । प्रहरीले काठमाडौं र ललितपुरबाट १५ जनालाई पक्राउ गरेको छ ।

ललितपुरको महालक्ष्मी नगरपालिका–४ गजान्द टोलस्थित रेनुका राईको खाजा घरमा जुवातास खेलिरहेको अवस्थामा गोदावरी नगरपालिका–१२ ठैव बस्ने ४५ वर्षीय सुब्बा तामाङ समेत ७ जनालाई बिहीबार साँझ प्रहरीले पक्राउ गरेको छ ।

विशेष सूचनाको आधारमा प्रहरी प्रभाग इमाडोलबाट खटिएको प्रहरीले उनीहरूलाई नगद ८३ हजार ५० रुपियाँसहित पक्राउ गरेको विज्ञप्तिमा उल्लेख छ ।

काठमाडौंको चन्द्रागिरी नगरपालिका–१४ नैकाप आर्केट कोलोनीस्थित निर्माणाधिन घरमा जुवातास खेलिरहेको अवस्थामा मकवानपुर थाहा नगरपालिका–२ घर भएका ४० वर्षीय मानबहादुर देउला समेत ८ जनालाई गएराति प्रहरीले पक्राउ गरेको छ ।

विशेष सूचनाको आधारमा प्रहरी प्रभाग नैकापबाट खटिएको प्रहरीले उनीहरूलाई नगद १ हजार ८ सय ३५ रूपैयाँ र २ बुक ताससहित पक्राउ गरेको हो ।

Published : Friday, 2023 October 20, 5:44 pm