एमालेको युवा संघका उपाध्यक्षको नेपाल र भारतका २ नागरिकता

काठमाडौं । नेकपा (एमाले) निकट राष्ट्रिय युवा संघ मोरङका उपाध्यक्ष मोहम्मद मजहर आलमको दोहोरो नागरिकता रहेको आरोप लागेको छ ।

एमालेका जिल्लास्तरीय नेता आलम विराटनगर महानगरपालिका– १७ रानी निवासी हुन् । आलमले नेपालबाट बंशज नागरिकता लिएका छन् ।

आलमले भारतको अररिया जिल्लाको यादव टोला शैफगंज ईदगाहा नजिक शिफगंजबाट पनि भारतीय नागरिकता लिएको पाइएको छ ।

आलमले नेपालबाट २०६६ साल जेठ ५ गते बंशजको नागरिकता लिएका हुन् । नेपाली नागरिकतामा बुवा अब्बास मियाँ र आमाको नाम मोबिना खातुन उल्लेख छ ।

भारतीय आम आदमीका अधिकार कार्डको नम्बर ८८१९११९३४३८० उल्लेख गरिको छ । बिहार राज्य अन्तर्गत आयकर विभागको स्थायी लेखा संस्था कार्डको नम्बर इभी एन पी एम २३५५ सि रहेको छ ।

युवा संघका उपाध्यक्ष आलमको दोहोरो नागरिकता भेटिएपछि विरोध भइरहेको छ । आलमलाई कारबाही गर्न स्थानीयले माग गरेका छन् ।