काठमाडौं । नेपाली कांग्रेसको बैठकमा तीन वटा प्रस्तावहरू प्रस्तुत भएका छन् ।

बिहीबार ललितपुरको सानेपामा बसेको केन्द्रीय कार्यसमितिको बैठकमा मीनबहादुर विश्वकर्माले महासमितिको बैठक आगामी मंसिर १३, १४ र १५ गते काठमाडौंमा गर्ने प्रस्ताव पेश भएको बताए ।

उनले अहिलेसम्म भए गरेका कामको समीक्षामा महामन्त्री गगनकुमार थापाले समीक्षात्मक प्रतिवेदन प्रस्तुत गरेको बताए ।
‘नीति महाधिवेशनको समेत काम गर्ने गरी महासमितिको बैठक मंसिर १३, १४ र १५ गते काठमाडौंमा गर्ने प्रस्ताव आएको छ’, विश्वकर्माले भने ।

‘अहिलेसम्म भए गरेका कामको समीक्षामा महामन्त्री गगनकुमार थापाले समीक्षात्मक प्रतिवेदन प्रस्तुत गर्नुभयो’, उनले भने ।

महामन्त्री थापाले आठ जना केन्द्रीय सदस्यहरू सभापति शेरबहादुर देउवाद्वारा मनोनयन गरिएको प्रस्ताव पनि बैठकमा पेश गरेका छन् ।

नेता विश्वकर्माले कार्यवाहक प्रधानमन्त्री र पार्टीका उप–सभापति पूर्णबहादुर खड्काले सरकारको गतिविधिका बारेमा प्रस्तुत गरेको बताए ।