काठमाडौं । एमाले अध्यक्ष खड्गप्रसाद ओलीसँग नागरिक उन्मुक्ति पार्टीका संरक्षक तथा पूर्वसांसद रेशम चौधरीले भेटवार्ता गरेका छन् ।

सोमबार बिहान बालकोटमा पुगेर चौधरीले ओलीसँग भेटवार्ता गरेका हुन् । भेटमा पछिल्लो राजनीतिक अवस्थाका बारेमा छलफल भएको बुझिएको छ ।

एमालेका अध्यक्ष ओलीले पूर्वसांसद चौधरीलाई एमालेसँग सहकार्य गरेर अगाडि बढ्न प्रस्ताव गरेको बुझिएको छ । पूर्वसांसद चौधरीले अहिले नै एमालेसँग सहकार्य वा गठन्धन गरेर जान नसकिने जवाफ दिएको एक नेताले बताएका छन् ।

पूर्वसांसद चौधरीलाई आममाफी दिने सरकारको निर्णयको एमालेले विरोध गरेको थियो । एमालेका नेताहरूले चौधरी र सरकारको निकै आलोचना गरेका थिए ।

सरकार ढल्ने चर्चा चलिरहेका बेला नागरिक उन्मुक्ति पार्टीका संरक्षक तथा पूर्वसांसद चौधरीलाई बोलकोटमा बोलाएर एमालेका अध्यक्ष ओलीले राजनीतिक परामर्श गरेका छन् ।

यसअघि पूर्वसांसद चौधरीले प्रधानमन्त्री पुष्पकमल दाहाल ‘प्रचण्ड’ र नेपाल समाजवादी पार्टीका अध्यक्ष बाबुराम भट्टराईलगायतसँग पनि भेटघाट गरेका थिए ।