काठमाडौं । नक्कली भुटानी शरणार्थी काण्डमा आफू निकटका व्यक्तिहरू परेपछि निकै तनाबमा परेका एमालेका अध्यक्ष खड्गप्रसाद ओलीले प्रधानमन्त्री पुष्पकमल दाहाल ‘प्रचण्ड’सँग भेटवार्ता गरेका छन् ।

सिंहदरबारमा सोमबार ओलीले प्रधानमन्त्री दाहाललाई भेट गरेका हुन् । संवैधानिक परिषदको बैठकपछि दाहाल र ओलीबीच भेटवार्ता भएको हो । भेटमा के कुरा भयो केही भनिएको छैन ।

तर, एमालेका अध्यक्ष ओलीले पत्रकारहरूसँग रिल तयार नभएको भन्ने जवाफ दिएका छन् । उनले भने, ‘रिल तयार भएको छैन रे !’

अध्यक्ष ओलीले नक्कली भुटानी शरणार्थी काण्डमा ट्रेलर मात्र नभएर सिनेमा नै देखाउन प्रधानमन्त्री दाहाललाई चेतावनी दिएका छन् । ओलीले एमालेका नेताहरूलाई नक्कली भुटानी शरणार्थी प्रकरणमा मुद्दा नचलाउन आग्रह गरेको स्रोतले जनाएको छ ।

एमालेका सचिव टोपबहादुर रायमाझी, उपाध्यक्ष रामबहादुर थापा ‘बादल’लगायतका एमालेका नेताहरू फस्ने भएपछि ओली तनाबमा छन् ।

ओलीलाई प्रहरीले नक्कली भुटानी शरणार्थी काण्ड छाननिव गरेको कुरा मन परेको छैन ।