काठमाडौं । गृह मन्त्रालयले २६ जना वरिष्ठ उपरीक्षक (एसएसपी)हरूको सुरुवा गरेको छ ।

बिहीबारको मन्त्रिस्तरीय निर्णयबाट एसएसपीहरूको सरुवा भएको हो । उमेशराज जोशीलाई काठमाडौं उपत्यका ट्राफिक प्रहरी कार्यालय रामशाहपथमा सरुवा भएको छ ।

बागमती प्रदेश प्रहरी कार्यालय, बनेपामा रहेका बेला जोशी विवादमा परेका थिए । घुमुवामार्फत जुवाडेसँग पैसा उठाएको काण्डमा परेका थिए ।

एसएसपी जोशीको ‘काभ्रे काण्ड’ले प्रहरीभित्र खैलाबैला, बयान दिँदादिँदै घुमुवा आजित

उनै जोशी राजनीतिक पावर लगाएर जोडजुलुम गरेर महानगरीय ट्राफिक महाशाखामा सरुवा भएका छन् । काभ्रे प्रहरीले घुमुवालाई पक्राउ गरेर अनुसन्धान समेत गरेको थियो । जोशीविरुद्धको छानविनलाई गुपचुप राखिएको छ ।

चक्रबहादुर सिंहको कर्णाली प्रदेश प्रहरी तालिम केन्द्र सुर्खेतमा सरुवा भएको छ । श्यामलाल ज्ञवालीलाई नेपाल प्रहरी विपद व्यवस्थापन कार्यालय सामाखुशीमा सरुवा गरिएको छ ।

लालमणि आचार्यलाई नेपाल प्रहरी प्रदेश कार्यालय बनेपामा सरुवा गरिएको छ । अशोक सिंहको प्रहरी प्रधान कार्यालय कार्य विभाग कार्य निर्देशनालय नक्सालमा सरुवा भएको छ ।