काठमाडौं । नेपाली कांग्रेसका युवा नेता एवम् पूर्वसांसद रामहरि खतिवडाले देशभरिबाट काठमाडौंमा १४औँ महाधिवेशनका लागि आएका महाधिवेशन प्रतिनिधिहरूलाई धन्यावाद दिँदै स्वागत गरेका छन् ।

युवा नेता खतिवडाले कांग्रेसको १४औँ महाधिवेशनमा सहभागी हुन आएका प्रतिनिधिहरूलाई पार्टीको असल नेतृत्व चयन गर्न अनुरोध गरेका छन् ।

उनले भने, ‘तपाई महाधिवेशन प्रतिनिधिहरूले कांग्रेसलाई कस्तो बनाउने हो तपाईहरूको हातमा छ । असल नेतृत्वलाई बुझेर मतदान गर्नुहोला ।’

भड्किलो प्रचार र बहकावमा लागेर मतदान गर्दा त्यसको असर लामो समयसम्म पर्ने नेता खतिवडाले बताएका छन् ।

महाधिवेशन प्रतिनिधिहरूलाई प्रभावमा पार्न पैसावालहरूले भड्किलो प्रचार प्रसार गरेका बेला खतिवडाले रंङ्गी चङ्गीमा नलागेर असल नेतृत्व चयन गर्न अनुरोध गरेका हुन् ।

नेता खतिवडा पनि केन्द्रीय सदस्य पदमा उम्मेदवार बनेका छन् । खतिवडाले खुलातर्फ उम्मेदवारी दिनेछन् ।