काठमाडौं । एमालेले सात जना नेतालाई स्थायी कमिटी सदस्यमा मनोनीतसहित बढुवा गरेको छ ।

बिहीबार बसेको पार्टी सचिवालय बैठकले पूर्वउपाध्यक्ष ईश्वर पोखरेलसहित सात नेतालाई स्थायी कमिटी सदस्यमा मनोनीत गर्ने निर्णय गरेको हो ।

स्थायी कमिटी सदस्यमा मनोनीत हुनेमा पूर्वउपमहासचिव प्रदीप ज्ञवाली, पूर्वसभामुख देवराज घिमिरे, नेताहरू थममाया थापा, शिवमाया तुम्बाहाम्फे, विमला घिमिरे र काशीनाथ अधिकारी छन् । पोखरेल यसअघि एमालेको पूर्वउपाध्यक्ष थिए ।

सचिवालय बैठकको निर्णयपछि केन्द्रीय कमिटी बैठकले सचिवालयबाट प्रस्तावित सातै जनाको नाम अनुमोदन गरेको छ ।

एमालेले पार्टीको नेतृत्व संरचनामा पूर्वपदाधिकारी तथा अनुभवी नेताहरूलाई स्थायी कमिटीमा समेटेको छ ।

सचिवालय बैठकले पार्टीका पूर्वउपाध्यक्ष पोखरेलसहित पूर्वउपमहासचिव, पूर्वसभामुख तथा अन्य नेताहरूलाई स्थायी कमिटीमा ल्याउने निर्णय गरेको हो ।

एमालेले पूर्वराष्ट्रपति विद्यादेवी भण्डारीलाई वरिष्ठ नेताको जिम्मेवारी दिने निर्णय गरेको छ ।