काठमाडौं । नेपाली कांग्रेसका निवर्तमान कार्यबाहक सभापति पूर्णबहादुर खड्का पक्षले यथाशीघ्र बृहत राष्ट्रिय भेला गर्ने भएको छ ।

आइतबार काठमाडौंमा बसेको बैठकमा कांग्रेसको एकताका लागि राष्ट्रिय भेलाको आयोजना गर्ने सहमति भएको नेता मीनबहादुर विश्वकर्माले बताए । त्यस अगाडि सातै प्रदेश र जिल्लाहरूमा चरणबद्ध कार्यक्रम गरिने उनले बताए ।

पत्रकारहरूसँग कुरा गर्दै नेता विश्वकर्माले भने, ‘यथाशीघ्र निवर्तमान केन्द्रीय पदाधिकारी र केन्द्रीय सदस्यहरूको काठमाडौंमा बैठक बस्नेछ । त्यो बैठकपछि हामी चरणबद्ध रुपमा प्रदेशस्तरको बैठक बस्छ । जिल्लास्तरको बैठक बस्छ र बृहत राष्ट्रिय भेला गर्नेछ ।’