गगन–विश्वले अबैधानिक गतिविधि गरेपछि कार्यबाहक सभापति खड्काले शुक्रबार धारणा सार्वजनिक गर्ने

काठमाडौं । नेपाली कांग्रेसका कार्यवाहक सभापति पूर्णबहादुर खड्काले आकस्मिक रुपमा पत्रकार सम्मेलन गरेर पार्टीको तर्फबाट धारणा राख्न लागेका छन् ।

महामन्त्रीद्वय गगनकुमार थापा र विश्वप्रकाश शर्माले व्यक्तिगत रुपमा पार्टी विधानले नदिएको अधिकार प्रयोग गरेर विशेष महाधिवेशनको नाममा भेलाको आयोजना गरेपछि कार्यबाहक सभापति खड्काले पत्रकार सम्मेलन गर्न लागेका छन् । खड्काले अबैधानिक विशेष महाधिवेशनका विषयमा धारणा राख्नेछन् ।

कार्यबाहक सभापति खड्काले पौष २५ गते शुक्रबार दिउँसो १ बजे पार्टी केन्द्रीय कार्यालय, सानेपामा पत्रकार सम्मेलन गर्नेछन् । उनले अपील गरेर अबैधानिक रुपमा आह्वान गरिएको विशेष महाधिवेशनको नाममा हुन लागेको भेलालाई रोक्न र सहभागी नहुन पार्टीका महासमिति सदस्य, महाधिवेशन प्रतिनिधि र पार्टीका सबै तहलाई अपील गर्नेछन् ।

Published : Thursday, 2026 January 8, 9:57 pm