कांग्रेसका युवा नेता पोख्रेल दाङ–२ मा प्रत्यक्षतर्फ सिफारिस

घोराही । नेपाली कांग्रेसका युवा नेता विपुल पोख्रेल दाङ क्षेत्र नं. २ मा प्रतिनिधिसभा निर्वाचनका लागि सिफारिस भएका छन् ।

बुधबार घोराहीमा बसेको क्षेत्रीय कार्यसमितिको बैठकले युवा नेता पोख्रेललाई क्षेत्र नं. २ मा प्रत्यक्षतर्फ उम्मेदवारका लागि सिफारिस गरेको हो । क्षेत्रीय कार्यसमितिले २० जना नेताहरूलाई प्रत्यक्षतर्फ सिफारिस गरिएको प्रेस विज्ञप्तिमा उल्लेख छ ।

पोख्रेल नेपाल पत्रकार महासंघका पूर्वअध्यक्ष समेत हुन् । रेडियो स्वर्गद्वारी, गोरक्ष राष्ट्रिय दैनिक लगायतमा सम्पादकको कार्यसम्पादन गरिसकेका पोखरेल पछिल्लो समय नेपाली कांग्रेसको राजनीतिमा सक्रिय छन् ।

प्रेस काउन्सिल नेपालको सदस्य समेत भइसकेका पोख्रेल लेखन क्षेत्रमा सक्रिय छन् । उनका किताव, कविता, गीत, म्युजिक भिडियो सार्वजनिक भइसकेका छन् ।

Published : Wednesday, 2025 December 10, 5:50 pm