अछाम कांग्रेसका नेता रावलको निधन

काठमाडौं । नेपाली कांग्रेस जिल्ला कार्यसमिति अछामका जिल्ला सदस्य मानसिंह रावलको ८५ वर्षको उमेरमा निधन भएको छ ।

रावलको असार ८ गते आइतबार निधन भएको हो । कांग्रेस केन्द्रीय कार्यालय, ललितपुरका मुख्यसचिव कृष्णप्रसाद पौडेलले सोमबार शोक वक्तव्य जारी गरेर रावलको निधनप्रति नेपाली कांग्रेसले गहिरो दुःख व्यक्त गरेको जनाएका छन् ।

रावल विक्रम संवत् १९९७ असार ४ गते जन्मिएका थिए । नेपाली कांग्रेसको संगठन निर्माण र नेपालको लोकतान्त्रिक आन्दोलनहरूमा रावलले सक्रिय भूमिका निर्वाह गरेका थिए ।

रावलको निधनबाट नेपाली कांग्रेसले एक अग्रज व्यक्तित्वलाई गुमाएको शोक वक्तव्यमा उल्लेख छ ।

‘मानसिंह रावलप्रति भावपूर्ण श्रद्धाञ्जलि अर्पण गर्दै आत्माको चीर शान्तिको कामना साथ शोक सन्तप्त परिवारजनप्रति नेपाली कांग्रेस गहिरो समवेदना प्रकट गर्दछ,’ शोक वक्तव्यमा भनिएको छ ।

Published : Monday, 2025 June 23, 8:31 pm