ह्वीप उल्लंघन गर्ने एमालेका दुई सांसदलाई कारबाही
धनगढी । एमाले सुदूरपश्चिम प्रदेश संसदीय दलले दुई जना सांसदलाई स्पष्टीकरण सोधेको छ ।
बुधबार बसेको संसदीय दलको बैठकले पदबाट राजीनामा दिएका वीरबहादुर थापा र धर्मराज पाठकलाई स्पष्टीकरण सोध्ने निर्णय गरेको हो ।
बैठकमा सहभागी सांसदका अनुसार दुवै जनालाई ४८ घण्टाभित्र जवाफ पेस गर्नेगरी स्पष्टीकरण सोध्ने निर्णय गरिएको छ ।
पाठकको सामाजिक विकास समितिका सभापतिको जिम्मेवारी खोसिएको छ । उनलाई सभापतिबाट फिर्ता बोलाउने निर्णय गरेको छ ।
एमालेले मंगलबारको प्रदेश सभाको बैठकमा अनिवार्य उपस्थित भएर बजेटको पक्षमा मतदान गर्न ह्वीप जारी गरेको थियो । पाठक र थापा भने बैठकमा सहभागी भएनन् ।
थापाले मंगलबार नै बजेटप्रति असन्तुष्टि जनाउँदै सांसद पदबाट राजीनामा दिइसकेका छन् । उनको राजीनामा सभामुख भीमबहादुर भण्डारीले होल्ड गरेका छन् ।
Published : Wednesday, 2026 October 14, 10:12 pm
बिचार/ब्लग
गगन थापा किन आलोचनाभन्दा माथि छन् ?
दिनेश सापकोटा
फेसबुकबाट तपाईको प्रतिक्रिया