भरतपुर । नेपाली कांग्रेस १५औँ महाधिवेशन तयारी समिति चितवनले सम्पर्क कार्यालय स्थापना गरेको छ ।

बुधबार भरतपुर महानगरपालिकाको हाकिम चोकमा शेरबहादुर देउवा पक्षका नेता तथा कार्यकर्ताहरूले सम्पर्क कार्यालय स्थापना गरेका हुन् । बागमती प्रदेश सभाकी सांसद एवम् पूर्वमन्त्री बिनु रायमाझी पौडेलका अनुसार असोज १५ गतेदेखि शुरु हुन लागेको वडा अधिवेशनलाई व्यवस्थित बनाउन सम्पर्क कार्यालय स्थाना गरिएको बताएकी छिन् ।

सम्पर्क कार्यालय उद्घाटनमा कांग्रेसका नेता तथा कार्यकर्ताका साथै नेपाली कांग्रेस १५औँ महाधिवेशन तयारी समिति चितवन जिल्ला संयोजकको समेत उपस्थिति रहेको थियो ।

शेरबहादुर देउवा पक्षले असोज १५ गतेदेखि वडा अधिवेशन गर्न लागेका छन् । उनीहरूले सबै तहको अधिवेशन गर्नेछन् ।

सर्वोच्च अदालतमा नेपाली कांग्रेसको आधिकारिकताको मुद्दा बिचाराधीन छ । तथाकथित विशेष महाधिवेशनवालाहरूले एकतर्फी रुपमा अधिवेशन शुरु गरेपछि देउवा पक्षले पनि अधिवेशन गर्न लागेको छ ।