काठमाडौं । नेपाली कांग्रेसका सभापति शेरबहादुर देउवासँग सुदूरपश्चिम प्रदेशका मुख्यमन्त्री कमलबहादुर शाहले भेट गरेका छन् ।

शनिबार बुढानिलकण्ठस्थित निवासमा सभापति देउवासँग मुख्यमन्त्री शाहले भेट गरेर सुदूरपश्चिम सरकारको कामकारबाही र पछिल्लो राजनीतिक अवस्थाका विषयमा जानकारी गराएका हुन् । सभापति देउवाले मुख्यमन्त्री शाहलाई आफ्नो योजना, उदेश्य र रणनीतिअनुसार जनताको सेवालाई केन्द्रमा कार्यसमदन गर्न निर्देशन दिएका छन् । सभापति देउवाले राजनीतिक उचार चढाव आउने भन्दै परिस्थितिको मूल्यांकन गरेर अगाडि बढ्न सुझाव दिएको बुझिएको छ ।

ठूलो घोटाला काण्डमा मुछिएका नागरिक उन्मुक्ति पार्टीका पर्यटनमन्त्री रामेश्वर चौधरीलाई बर्खास्त गरेपछि मुख्यमन्त्री शाहले सो विषयमा सभापति देउवालाई जानकारी गराएको बुझिएको छ । मन्त्री बर्खास्तमा परेपछि नागरिक उन्मुक्ति पार्टीले सरकारलाई दिएको समर्थन फिर्ता लिएर घुर्की लगाएको छ ।

मुख्यमन्त्री शाहले नाउपाबाट पर्यटनमन्त्री बनेका चौधरीलाई यसअघि नै राजीनामा दिन भनेका थिए । चौधरीले राजीनामा नदिएपछि मुख्यमन्त्री शाहले बिहीबार बर्खास्त गरेका थिए ।