काठमाडौं । गृहमन्त्री रमेश लेखकले पूर्वराजा ज्ञानेन्द्र शाहका समर्थकहरूको हिंसामा क्षति भएका स्थानको अवलोकन गरेका छन् ।

तीनकुने लगायतका स्थानमा ज्ञानेन्द्र शाहका कमाण्डर दुर्गा प्रसाईंको हिंसात्मक आन्दोलनबाट भएको क्षतिको गृहमन्त्री लेखकले शनिबार बिहान स्थलगत अनुमगन गरेका हुन् । उनले तीनकुने लगायतका क्षेत्रको अनुगमन गरेका छन् ।

पूर्वराजा ज्ञानेन्द्र शाहका समर्थकहरू र कथित कमाण्डर दुर्गा प्रसाईंले तीनकुने, बानेश्वर, जडीबुटी, कोटेश्वर लगायतका क्षेत्रमा निजी र सार्वजनिक सम्पत्ति तोडफोड गर्नुका साथै लुटपाट गरेका थिए ।

गृहमन्त्री लेखकले नेकपा (माओवादी केन्द्र)को केन्द्रीय कार्यालय, कान्तिपुर टेलिभिजन, अन्नपूर्ण पोष्ट लगायत क्षति भएका स्थानमा पुगेर जानकारी लिएका छन् ।

ज्ञानेन्द्र शाहका समर्थकहरूको हिंसामा परेर २ जनाको मृत्यु भएको छ । एकजनालाई ज्ञानेन्द्र र प्रसाईंका समर्थकहरूले कोठाभित्र थुनेर जलाएका छन् ।