घोराही । नेपाल विद्यार्थी संघ (नेविसंघ) दाङले ७५ जना विद्यार्थीलाई निःशुल्क एसईई ग्रेड वृद्धि तयारी कक्षा समापन तथा शुभकामना कार्यक्रम सम्पन्न भएको छ ।

शनिबार दाङमा स्व.ऋृषिराम घिमिरे–यवादेवी घिमिरे फाउण्डेशनको आर्थिक सहयोगमा निःशुल्क एसईई ग्रेड वृद्धि तयारी कक्षा समापन भएको हो ।

फाउण्डेशनका अध्यक्ष समेत रहेका नेपाली कांग्रेसका महासमिति सदस्य किरणकिशोर घिमिरेले विद्यार्थीलाई शुभकामना दिएका छन् । उनले सफलताका लागि विदाइसहित शुभकामना दिएका हुन् ।

कार्यक्रममा नेविसंघ दाङका अध्यक्ष कुलराज पोख्रेल, नेपाली कांग्रेस दाङका उपसभापति गिरीराज सुवेदी, नेपाली कांग्रेस क्षेत्र नं. २ (१) का सभापति प्रकाश श्रेष्ठ, नेपाल विद्यार्थी संघका केन्द्रीय सदस्य निरज गिरी, महेन्द्र वहुमुखी क्याम्पसका स्ववियु सभापति मनोज डिसी, सहभागी विद्यार्थी रोल्पाका चित्रकला पुन लगायतकाले भनाइ राखेका थिए ।

कार्यक्रमको सहजीकरण नेविसंघका जिल्ला सदस्य गुरुप्रसाद गौतमले गरेका थिए । विद्यार्थीलाई टीका र खादा लगाएर बिदाइ गरिएको थियो ।