गृहमन्त्री लामिछाने सहकारी ठगीमा मुछिएका बेला कान्तिपुर को-अपरेटिभका अध्यक्ष पक्राउ

काठमाडौं । राष्ट्रिय स्वतन्त्र पार्टी (रास्वपा)का सभापति एवम् गृहमन्त्री रवि लामिछाने सहकारीको करोडौं रकम अपचलन र ठगी काण्डमा मुछिएका बेला कान्तिपुर सेभिङ्ग एण्ड क्रेडिट को–अपरेटिभ लिमिटेडका पूर्व अध्यक्ष सिबी लामा पक्राउ परेका छन् ।

शुक्रबार प्रहरीले अध्यक्ष लामालाई पक्राउ गरेको जनाएको छ । लामा पशुपति सेभिङ्ग एण्ड क्रेडिटको पनि सञ्चालक हुन् ।

लामासहितको समूहले कान्तिपुर पशुपति सेभिङ्गको ८ अर्ब ५९ करोड निक्षेप अपचलन गरेको आरोप छ ।

कान्तिपुरका वर्तमान अध्यक्ष हिमालविक्रम मल्ल यसअघि नै पक्राउ परेका छन् । २०८० फागुनमा मल्ललाई प्रहरी वृत्त नयाँ बानेश्वरले पक्राउ गरेर मुद्दा चलाएको थियो ।

कान्तिपुर सेभिङ्ग एण्ड क्रेडिटको सञ्चालक समितिका सञ्चालकहरूविरुद्ध अहिलेसम्म ३५० भन्दा धेरै बचतकर्ताले जाहेरी दिएका छन् ।

Published : Friday, 2024 May 31, 12:05 pm