सभापति खतिवडा र प्रमुख निर्वाचन आयुक्त थपलियाबीच निर्वाचन प्रणालीका विषयमा परामर्श
![](https://i0.wp.com/www.republicadainik.com/wp-content/uploads/2024/05/Ramhari-Khatiwada-Dinesh-Thapaliya.jpg?resize=825%2C510&ssl=1)
काठमाडौं । नेपाली कांग्रेसका नेता समेत रहेका राज्य व्यवस्था समिति सभापति रामहरि खतिवडा र प्रमुख निर्वाचन आयुक्त दिनेश थपलियाबीच भेटवार्ता भएको छ ।
सोमबार आयोगको कार्यालय कान्तिपथमा उनीहरूका बीच निर्वाचन प्रणाली सुधारका विषयमा परामर्श भएको हो । बहुमतसहितको स्थिर सरकार दिननसक्ने निर्वाचन प्रणालीमा सुधार गर्न जरूरी भइसकेको खतिवडाले बताएका छन् ।
प्रमुख निर्वाचन आयुक्त थपलियासँग सभापति खतिवडाले प्रतिनिधिसभालाई पूर्ण प्रत्यक्ष निर्वाचित बनाइ २४० सिट कायम गर्दा उचित हुने बताएका छन् ।
भद्दा र महँगो निर्वाचनलाई सुधार गरी प्रतिनिधिसभालाई पूर्ण प्रत्यक्ष निर्वाचन प्रणाली बनाउन संविधान संशोधन गर्दा राजनीतिक सहमति बनाउन आफूले पनि पहल गर्ने सभापति खतिवडाले बताएका छन् ।
सभापति खतिवडाले निर्वाचन प्रणालीका विषयमा निर्वाचन आयोगले दिने सुझाव र प्रस्तावलाई राज्य व्यवस्था तथा सुशासन समितिमा सहमतिका लागि आफूले विशेष पहल गर्ने आश्वासन समेत दिएका छन् । निर्वाचन सम्बन्धी विधेयकलाई राज्य व्यवस्था समितिले नै हेर्ने गर्छ ।
बिचार/ब्लग
![](https://i0.wp.com/www.republicadainik.com/wp-content/uploads/2024/07/Sherbahadur-Deuba-1-1.jpg?resize=200%2C200&ssl=1)
सभापति देउवाले विश्वासको मत दिँदा दिएको अभिव्यक्ति
शेरबहादुर देउवा, सभापति एवं नेता संसदीय दल, नेपाली कांग्रेस![](https://i0.wp.com/www.republicadainik.com/wp-content/uploads/2024/07/Sudarshan-Thapaliya.jpg?resize=200%2C200&ssl=1)
फेसबुकबाट तपाईको प्रतिक्रिया