काठमाडौं । चिरञ्जीवी नेपालले राष्ट्रपतिको आर्थिक विज्ञ पदबाट राजीनामा दिएका छन् ।

आइतबार राष्ट्रपति कार्यालयले विज्ञप्ति जारी गरेर नेपालले दिएको राजीनामा राष्ट्रपति रामचन्द्र पौडेलले स्वीकृत गरेको जनाएको छ । सरकारले नेपालको चुच्चे नक्सा १ सयको नोटमा राख्न राष्ट्र बैंकलाई अनुमति दिएको थियो ।

नेपालले पूर्व गभर्नरको हैसियतले प्रतिक्रिया दिँदै सरकारको त्यो निर्णय अनुचित भएको भन्दै भारतीय सञ्चारमाध्यमहरूमा प्रतिक्रिया दिएका थिए । त्यसपछि नेपाललाई विवादित बनाएर आलोचना गरिएको थियो । नेपालले उच्च नैतिकता देखाएर राष्ट्रपतिको अर्थ विज्ञ पदबाट राजीनामा दिएका छन् ।

गृहमन्त्री रवि लामिछानेमाथि सहकारीको करोडौं रकम अपचलन र ठगको आरोप लागेका बेला नेपालले पदबाट राजीनामा दिएर नैतिकता देखाएका छन् ।

लामिछाने भने आफूविरुद्धका प्रमाणहरू नष्ट गर्दै, राज्यका निकायलाई दुरुपयोग गरेर आफू निर्दोष रहेको तथा आफ्ना विरोधीहरूको तल्लोस्तरमा उत्रिएर आलोचना गरिरहेका छन् ।